لو مكنتش مصري بس عربي كانت هتبقى إيه نظرتك
لو كنت أوروبي أو غير مسلم بردو إيه نظرتك للعرب والمسلمين؟
لوقالولك إنت بقيت رئيس جمهورية هتعمل إيه؟
هافرح فرح شديد ثم هاحزن
وبعدين هتنحى عن المنصب و اخلي الشعب يطلع في مظاهرات تتطالب بالتراجع عن
القرار و أنا هتبقى دماغي زي الصرمة الايطالي القديمة و مش هاراجع مهما قالوا
أنا مش عايز ابقى رئيس جمهورية أنا عايز أبقى زي عمنا البيروني و أخوه بن
الهيثم .و ابن عمهم بن حيان
على الاقل هيتحاسبوا عن نفسهم بس مش على شعب كام
بس أتمنى ان اللي يمسك المنصب ده يكون اسلامي التوجه من الدرجة الأولى با متياز
جدا مع سرير الشرف
يهتم اولا بالتعليم انشاله يدفع 3/4 الميزانية في التعليم
يزرع و سط الناس أقوى دعاة الاسلام ....... لانه هيستريح جامد من الشعب وقرف
الكسل و الخناقات و الارهاب و هيلاقي الشعب ايجابي
بعدين يهتم بوحدة المسلمين و يعمل على قيام وحدة اسلامية قوية - امبراطورية
اسلامية واللي مش عاجبه ..........ولاخلاص مش لازم
وحاجات تانية كتير بس أنا نسيتها
يخرب بيته ده تاج نساني الكلمتين اللي عارفينهم
مش بقالكم ده عايز مهضم عشان يتبلع
طب متجيب كباية مية عشان ابلع
ده انت بخيل يا راجل شكلك منوفي
ما علينا
إنت طبيب وعندك مريض ميؤوس من حالته أيهما تفضل إنك تصارحه بالوضع وتقوله
كل شيء بأمر الله في الاخر ولا تغرس فيه الامل لغاية لما يموت؟
بص يا عم احنا اتعلمنا ان الطب مش زي الرياضيات ..... يعني مفيهوش 1+1 =2
صح مش كده
يعني مفيش مرض أو سرطان يجي لواحد يبقى الموت المحقق أو حته بكتيرياية
صغنونة لما تيجي يبقى المضاد الحيوي هو الحل
الاعمار بيد الله واحنا بنعمل اللي علينا
وزي ما قال الحاج مصطفي كامل لا يأس مع الحياة ولا حياة مع اليأس
وفي أبحاث بتأكد دور الروح المعنوية في شفاء المريض
يعني لازم تزرع الامل حتى مع قرايبه
لوكان ينفع ترجع طفل تاني وتخليك طفل علطول هترجع؟ وليه؟
ياريت ياخويا وهتبقى فرصة الواحد يعمل اللي عايزه واسمه عيل و لا غليه حاجة
ولاهيتحاسب يوم القيامة
و انا أتمنى من موقعي هذا انا ترجع لي برأة الأطفال .....عشان الواحد بقى وحش
خالص
لوسمح لك برؤية الرسول عليه الصلاة والسلام وإنك تقوله كلمة واحدة بس أو جملة
واحدة بس هتكون إيه؟
هابوس رجله الشريفة ( صلى الله عليه و سلم ) و اطلب منه ووشي شوية في الارض
عشان مكسوف منه وشوية أتملى في وجه الكريم أنه يدعو لي بقوة الارادة في الحق
و بعديها سيبوني و شوفو ا الدنيا و هي بتتكسر
لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخر
غير قادر على الإنجاب هيكون تصرفك إيه؟
هأكمل و هتبقى بنتي و زوجتي
وممكن اطلب منها أني أتجوز تاني عشان يبقى خراب بيوت بقى
( ده موقف أولي قابل للتغيير
لو طلعت القمر هتكتب إيه عليه؟
أقتربت الساعة وانشق القمر
بخط ثلث كبير قوي قوي حتى يراها كل الارض
مهو كله............... لو
لو كنا في عصر ازدهار الأندلس كنت تتخيل نفسك إزاي؟
وطبعا متنساشي الجواري
عشان الواحد يعف نفسه مش حاجة تانية
و الحشم و الخدم والاكل اللي بالزبدة الأندلسي
لوأنا مررت التاج ده لحد وما جاوبش عليه أعمل فيه إيه؟
أعذره و اديله مهضم عشان أكيد هيكون و قف في زوره
مش بقلكم تقيل
لو أحب أمرره أمرره لمين ؟لأي حد عايزه وبالذات
ضاكتورنا اللي من المأروصة
يوميات عيل مصري
سمك لبن تمر هندي
أبو سويلم
45 comments:
الله ينور يا بيروني
وبعدين دانت اللي عارف الأجزاخانات كلها
يعني تقدر تاخد التاج على مزاجك
لإجابات الدكتره......دكتره فعلا
بس انت شفت الصرمه الايطالي دي فين
********
اجابات جميله
ودمت بخير
ربنا يبارك فيك يا دكتور
وأنا سبقتك بالتعرف على مدونتك وكنت فاتح التاج عندك وطفيت الجهاز ورجعت لقيت تعليقك ضحكت بارك الله فيك
ناهيك بقى عن إجاباتك الرائعة واعتزازك بهويتك الإسلامية
بارك الله فيك ومرحبا بك صديقا عزيزا اكتسبته من أرض التدوين
السلام عليكم يادكتور اجاباتك جامده وايه حكايت مصطفي كامل معاك
فعلا الواحد بيحب مصر كفايه ان لينا مع النبي صلي الله عليه وسلم نسب وصهر واحنا خير اجناد الارض
ربنا يبارك فيك يادكتور
السلام عليكم اخي الحبيب ردودك من الاخر وايه حكايت مصطفي كامل معاك شكلك بتحبوه اوي زيي وبعدين جوعتنا ياريت تبعتلي فطير بالسمن الاندلسي
وربنا يجزيك خير
هتتخلى عن الرئاسه وهتعمل مظاهرات تطالبك بالعوده
وبرضه مش هترجع
انا موافقه
شد حيلك واوعى ترجع فى كلامك
وسيب العمليه لخالتك فرنسا
واهو
يمكن ينوبك من الطيب نصيب
هاكتب لك ربع ميه البحر الاحمر ليك لوحدك
تعوم فيها براحتك
السلام عليكم اخي الحبيب ربنا يبارك فيك يااخي ايه حكايت مصطفي كامل معاك شكلك بتحبه زيي وبعدين جوعتني انا عايز اكل فطير بالسمنه الاندلسي
ربنا يكرمك ويجزيك خير
وبعدين انا كل اما اكتب تعليق وانزله الاقيه مبينزلش والحكايه دي بتحصل عند حضرتك بس ودي المحاوله الابعه ربنا يستر
الف شكر يا دكتور
على ترشيحك لي للتاج، بس هاستأذنك أأخره شوية لو تسمحلي
انت عارف العيال بيتعاملوا مع الحاجت دي على انها سلطانية
ماتنساش تعدي علينا
عصفور المدينة
ماتعرفشي أنا مبسوط قد إيه بمرور حضرتك
الحبيب الفاتح الجعفري
ربنا يخليك على مرورك علي د ائما
و مش هانساك من الزبدة الاندلسي
بص أبقى وصي على الجواري
و مشكلة التعليقات أنا اسف والله أنا مش عارف بتتعمل ازاي
لو حضرتك تعرف ممكن تقول أخوك و ما تخافشي هابقى أديك وزارة من الوزارات
فرنسا هانم
جي سويه تريه كونتونت
أنا سعيد جدا بنزول معاليكي من قصر اللاليزيه لتشرفي مدونتي المتواضعة جدا
وانا هعتمد عليكي في حكاية المظاهرات بس ماتقوليش لحد عشان دي أسرار عسكرية
فرنسا هانم
و صحيح أنا نفسي في قناة السويس
الفلوس منها كتير
يوميات عيل مصري
براحت حضرتك يافندم
وشكرا ان حضرتك افتكرتني بعد ما سبت الرئاسة و رحت الاندلس
دمتم ودامت محبتكم
ماشاء الله ايه الأجابات الجامده دي علي حسب أجاباتك كدا انتا ماشاء الله وطني أوي..
ماشاء الله ايه الأجابات الجامدة دي وايه الوطنيه دي كلها..
تصدق بالله
انت رجل زى العسل
عجبنى جدا اجابة تانى سؤال لانك لخصت ببساطة حياة الغرب غير المسلم
وبعدين عجبنى كمان يا عم الرومانسى
كلمة
هتبيقى بنتى وزوجتى
كلمة جامدة جدا بصراحة
اجاباتك كلها جميلة ووواقعية وموزونة جدا جدا جدا
وكمان كشفت جزء من شخصيتك لنا
لكن انا باطلب منك كاخ وصديق انك تعفينى من الاجابة على التاج لانى كنت قد قررت سابقا ان امتنع عن التاجات نظرا لسوء حظى معهم
وشاكر لك جدا جدا كرمك وتشريفك لى باهدائى هذا التاج
تحياتى يا صديقى
والسلام
انا معرفش والله بس هسأل اليعقوبي واخليه يبعتلك وجزاكم الله خير
التوأمان
أود أن أشكركما على تشريفكما المدونة
ويارب تيقى زيارات متتالية
و انا سعدت جدا لما دخلت المدونة بتاعتكم لما فيها من روح الايخاء
ابو سويلم باشا
مجرد دخولك المدونة
هو قبول للتاج
بس قرار الخطوبة لسه مبدئي
الفاتح الجعفري
أنا باطلخبت بينكم بصراحة
و شكرا على استجاتك السريعة جزاكم الله كل خير
ربنا يكرمك ياجميل اجابتك جميلة وربنا يجعلك زي البيروني والجواري والحسن بن الهيثم و الخوارزمي والفاتح اليعقوبي
امين
حلوة حكاية لو بقيت رئيس جمهورية هتعمل ايه جامدة حكاية هطلع الشعب في مظاهرات دي
ماشي ياعبدالناصر ربنا يوفقك
والسلام
اليعقوبي
متشكر على مرور سيادتك و توقفك عندي لتعلق رغم أعباء الفتح الكبير
بس و الله عفارم عليك
فهمت اللعبة و عكشت المقصود
شكلك هتفتح مدنتي و تنضم لمملكتكم
وطبعا متنساشي الجواري
عشان الواحد يعف نفسه مش حاجة تانية
و الحشم و الخدم والاكل اللي بالزبدة الأندلسي
جوارى واكل وخدم وزبده
احمدك يارب
التعليق راح فين
بن عمر
يا سيدي سبنا احنا نحلم بالحاجات دي
أنتم السابقون
و
نحن
ان
شاء
الله
اللاحقون
دكتور بيروني .. السلام عليكم ورحمة الله وبركاته
ردود رائعة .. بس صحيح ايه حكاية مصطفى كامل معاك ؟
ردودك فعلا ممكن تتعمل موضوع .. وربنا يوفقك ويحقق املك وتكون بيروني آخر أو الحسن ابن الهيثم الثاني ..
بس صحيح ايهما افضل في زماننا ده .. الحاكم ولا العالم ؟
هو العالم بيتسئل عن نفسه بس ؟
طيب هو دارون لو ح يتسئل
ح يتسئل عن نفسه فقط ولا عن الالاف او الملايين اللي صدقوا نظريته ونادوا بيها واقتنعو بيها وتشيعو لها وربما موجود لحد الان من هو مازال مقتنع بنظريته
تحياتي ليك دكتور بيروني .. اكرمك الله واعزك
ارسم بالرصاص
أولا :أشكر لسيادتكم القرأة المتمعنة في الموضوع
ثانيا : و الله مصطفي كامل ما أعرقش جت ازاي كلماته هي اللي جت في راسي أول ما قرأت الموضوع و لكن تذكرت أنه صاحبها بعدها بقليل
و الراجل بصراحة يستحق أن يكون مثالا لقوة الارادة و شدة العزيمة
ثالثا: قضية الحاكم و العالم في زماننا
فأنا أظن أن
الحاكم يهيء الظروف ليعمل العالم فلا علم حقيقي في بلد متخلف ديكتاتوري
رابعا : قضية دارون قد يكون عند حضرتك حق و لكن أظن أن داروون كان أستثناءا بالنسبة للعلماء
و أرجو من حضرتك التعليق حتى أعلم الحق في هذه النقطة
ارسم بالرصاص
أولا :أشكر لسيادتكم القرأة المتمعنة في الموضوع
ثانيا : و الله مصطفي كامل ما أعرقش جت ازاي كلماته هي اللي جت في راسي أول ما قرأت الموضوع و لكن تذكرت أنه صاحبها بعدها بقليل
و الراجل بصراحة يستحق أن يكون مثالا لقوة الارادة و شدة العزيمة
ثالثا: قضية الحاكم و العالم في زماننا
فأنا أظن أن
الحاكم يهيء الظروف ليعمل العالم فلا علم حقيقي في بلد متخلف ديكتاتوري
رابعا : قضية دارون قد يكون عند حضرتك حق و لكن أظن أن داروون كان أستثناءا بالنسبة للعلماء
و أرجو من حضرتك التعليق حتى أعلم الحق في هذه النقطة
صديقى واخى العزيز
عجبتنى اوى اجابتك
وكمان شكل التاج الجميل ده
والتصميم الرائع فى البانر الرئيسى لمدونتك
وحمدلله على السلامة
وربنا ما يحرمنا منك
تحياتى
دكتور البيروني .. السلام عليكم ورحمة الله وبركاته
بالنسبة لمصطفى كامل بالطبع هو رجل جدير بالاحترام على الاقل كان عنده هدف او قضية ليها معنى وسعى وعمل من اجلها ..
الحاكم ولا العالم ..
كلامك صح بس تقدر تفسرلي ازاي كان بيظهر ف الاتحاد السوفيتي سابقا قمم من العلماء في شتى المجالات رغم القهر اللي كانوا عايشين تحت وطئته ؟ يمكن يكونوا حالة شاذة ويمكن يكون فكرة ان العمل تحت الضغط بيخلي الواحد ينتج ويبدع .. ولا ايه رأيك ؟
بالنسبة لدارون .. انا سمعت من احد الشيوخ تحديدا الشيخ أبو بكر جابر الجزائري تحدث في موضوع العقيدة وبدأ بخلق آدم وتعرض لدارون ونظريته وقال انها نشأت مش بس من فكر عالم .. انها نشأت من فكر اليهود اجتمعوا على انهم يدفنوا بقايا قرد ويرجعوا ينقبوا عنها ويعلنوا تأييد فكرة نظرية دارون والله أعلم .. المهم يعني ان الموضوع ممكن يكون تواطؤ عالم مع آخرين .. وف الزمن اللي احنا فيه ده صعب نقول ان دارون استثناء .. يمكن ماعنديش اشياء ملموسة استدل بيها لكن دي مجرد نظرة توقعية ..
عموما أنا متشكرة جدا لحضرتك انك اتحت ليا فرصة النقاش والتعليق في موضوع مثمر .. كهذا ...
جزاك الله كل خير
الخال محمد الصباغ
شرفت المدونة
و ارجو المداومة على الزيارة
وان كان البانر جميل مش هيكون زي بتاعك الواقعي جدا
والتاج ان عاجبك
فالبهنا والشفا
بس متنساشي المهضم قبل التاج 3 مرات يوميا
أرسم بالرصاص
أشكر لسيادتك أهتمامك بالموضوع
أما بالنسبة لهذه القضية فاني سأبحث فيها كثيرا و قد تكون بوست قريبا في المدونة
و جزاك الله كل خير
البيروني... السلام عليكم ورحمة الله
وبركاته
سيكون موضوع جميل وهادف إن أردت أن تستعين بكتاب الشيخ أبو بكر جابر الجزائري فهذا هو رابط الكتاب ..
http://waqfeya.net/open.php?book=140&cat=13
تستطيع تنزيله من هنا .. وعليك بقراءة الجزء الاول منه تقريبا الصفحة العاشرة .. هناك الجزء المتعلق بمعتقد الملحدين الكافرين ومعتقد المؤمنين حول خلق آدم .. كما ان هناك عنوان جانبي
بعض الاعتراضات التي عورضت بها النظرية الدارونية وابطلتها ..
وهذا ايضا الملف الصوتي لشرح الشيخ لهذه الجزئية
http://www.islamway.com/?iw_s=Lesson&iw_a=view&lesson_id=54030&series_id=
اسمع حتى منتصفه .. سيعينك في موضوعك ان اردت والله الموفق
اعزك الله ووفقك
ردود حضرتك جميله جدا
واحلى من كده الصور بتاعه الاطفال حلوه موت
احلى اجابه برضه ردك على سؤال لو كنت رئيس الجمهوريه
مش عارفه ليه السؤال ده بالذات كل الردود عليه بتعجبنى
تقبل تحياتى
ةdr nour
نورت المدونة يا دكتورة نور
ومنتظر حضرتك علطوووووووووووووووووول
وكويس ان صور الاطفال ظهرت عند حضرتك
عشان عندي ما بتظهرشي
إجابات جميلة يا عم بيرو
ههههههههه
دلعك بقى
يا عالم يا كبير
عقبال ما تبقى زيه
وبعدين ايطاليا مشهورة بالجذم
^_^
تقبل تحياتى
dr hema
منور ياعسل
أخبار الكبده ايه
حكاية الجزمة جت و الله من غير ترتيب عشان القافية بس رغم ان مفيش قافية
بس ماعرفشي و الله غير ان ايطاليا على الخريطة زي الجزمة البوت
يمكن ده الي رابطها في راسي بالجزم
و عموما انت منور
و عايز الاقي معاليك عندي علطول
و متشكرين على الدلع يا هيما
تمام قوى التاج ده
يعنى قول زيارة ليا هنا يبقى تاج و حركات زى دى
بس يلا خير
ردودك جميله بجد و شكلك بتحب مصطفى كامل قوى
اما بقى عن سؤال سيدنا محمد
فانى بقول هى كلمه واحدة تتقال لسيدنا النبي هى حقك علينا
تحياتى
ما شاء الله اجابات حلوة وظريفة
بس انت يا عم لو رجعت صغير هتحرمنا من مدونتك الجميلة دي
.......
عموما احنا في انتظار التدوينة الجديدة
............
سلام
أنت
يا سارق ياء النداء من حروفي
لماذا أنت مرتبك ؟
نعم أعنيك أنت
ادعوك للإنضمام للفكرة
فانت وحدك .. ذلك الذي لم يأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالى معنا و املأ الدنيا بالضجيج
نظرة على اسرار اون لاين لن تضيرك
و مشاركتك تأكد انها مصدر سعادة لنا
http://asraronline.com/vb/
أنت
يا سارق ياء النداء من حروفي
لماذا أنت مرتبك ؟
نعم أعنيك أنت
ادعوك للإنضمام للفكرة
فانت وحدك .. ذلك الذي لم يأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالى معنا و املأ الدنيا بالضجيج
نظرة على اسرار اون لاين لن تضيرك
و مشاركتك تأكد انها مصدر سعادة لنا
http://asraronline.com/vb/
أنت فين بقالك مدو مش ظاهر
خير إن شاء الله
مستنيينك
أنا كمان أختفيت بس أديني طلعت أهو
السلام عليكم ورحمة الله وبركاتة
عند جد يابيرونى اجاباتك راوعه
ربنا يبارك فيك ياارب لو لقيت حد يرجعك طفل تاانى احجزلى معااك وابقه
احسبك بعدين واكيد انت مش هتاخد منى حاجه وهتطلع جدع مستنى التدوين التالى
تحياتى
ايه الحلاوة دي يا أبو البشابيش
منور مدونتك
انا عملت مدونة
http://dactoor.blogspot.com/
بص كدة ربنا يكرمك
مدونتك رائعة
عايزك تعلمني شوية
أبو سليمان
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
من يرغب في وضع البنر يرسل لي ميله كي ارسل له الكود
Post a Comment