تاج حبيب...... عايز مهضم

جالي تاج من حبيب قلبي العزيز دكتور حر والتاج ده انا كنت في اشد الحاجة ليه لان

المواضيع في دماغي كتير و لكن كل مأجي اكتب الكلام ماينزلشي خالص على الورق

الحمد لله جه في وقته

بس شكله تاج تقيل و عايز شغل ربنا يقوينا عليه

نبتدي.......... والله المستعان

لو مكنتش مصري بس عربي كانت هتبقى إيه نظرتك

للمصريين واللي بيحصل في مصر دلوقتي؟

لو لم أكن مصريا لوددت ان اكون مصريا

مش عشان عمنا مصطفى كامل قال كده بس عشان ربنا ه و اللي أختارني مصريا و

خلالي الخير بتاعي كده ازاي أقدر أتخيل أن أفكر أن أكون من بلد تاني...... ده يبقى و

الله أفترا ...... كل اجة ربنا يجبيهه لي تبقى ز ي الفل

بس و الله كل الدول العربية فيها فقر و جهل و مرض و بلاوي سوده اللهم الا دول

الخليج اللي مريشين شوية و فيها شوية حرية بسيطة بس اللي يقرب يفكر من السياسة

بيتنسف و طبعا كلهم زي معظم الدول العربية في ديل امريكا ( الحكومات مش الشعب )

عشان محدش يفهم كلا مي غلط

ونظرتي للمصرين انهم شعب مطحون بيعرف ازاي يكيف نفسه على الطحن بس ابن

نكته و دمه زي الشربات وفاهم انه لسه الفراعنة بتوع حضارة 7تلاف سنة

وربنا ستر علينا

مش بقولكم تاج تقيل

لو كنت أوروبي أو غير مسلم بردو إيه نظرتك للعرب والمسلمين؟

بكرر و أقول

لو لم أكن مصريا لوددت ان اكون مصريا

بس هتفرق نوع الاوروبي اللي مش ممكن هاكونه

والله ممكن أوروبي مضيع و مكبر و مدي الدنيا صرمة ايطالي ....... الشغل بالصبح

زي الحمار ومقضي بقية اليوم مع الجيرل فريند بتاعتي و اللي بيقوله الاعلام هو الصبح

و المسلمين دول و لاد كلب ارهابيين و بتوع كروشوهم و يستاهلو اللي بيحصلوهم

وممكن أوروبي بيفكر و بيدور على الحقيقة فهقرأ و اعرف ان الاسلام هو الحقيقة

الوحيدة في أم الضلال و الظلام اللي الدنيا بتعيشه

لوقالولك إنت بقيت رئيس جمهورية هتعمل إيه؟

هافرح فرح شديد ثم هاحزن

وبعدين هتنحى عن المنصب و اخلي الشعب يطلع في مظاهرات تتطالب بالتراجع عن

القرار و أنا هتبقى دماغي زي الصرمة الايطالي القديمة و مش هاراجع مهما قالوا

أنا مش عايز ابقى رئيس جمهورية أنا عايز أبقى زي عمنا البيروني و أخوه بن

الهيثم .و ابن عمهم بن حيان

على الاقل هيتحاسبوا عن نفسهم بس مش على شعب كام

بس أتمنى ان اللي يمسك المنصب ده يكون اسلامي التوجه من الدرجة الأولى با متياز

جدا مع سرير الشرف

يهتم اولا بالتعليم انشاله يدفع 3/4 الميزانية في التعليم

يزرع و سط الناس أقوى دعاة الاسلام ....... لانه هيستريح جامد من الشعب وقرف

الكسل و الخناقات و الارهاب و هيلاقي الشعب ايجابي

بعدين يهتم بوحدة المسلمين و يعمل على قيام وحدة اسلامية قوية - امبراطورية

اسلامية واللي مش عاجبه ..........ولاخلاص مش لازم

وحاجات تانية كتير بس أنا نسيتها

يخرب بيته ده تاج نساني الكلمتين اللي عارفينهم

مش بقالكم ده عايز مهضم عشان يتبلع

طب متجيب كباية مية عشان ابلع

ده انت بخيل يا راجل شكلك منوفي

ما علينا

إنت طبيب وعندك مريض ميؤوس من حالته أيهما تفضل إنك تصارحه بالوضع وتقوله

كل شيء بأمر الله في الاخر ولا تغرس فيه الامل لغاية لما يموت؟

بص يا عم احنا اتعلمنا ان الطب مش زي الرياضيات ..... يعني مفيهوش 1+1 =2

صح مش كده

يعني مفيش مرض أو سرطان يجي لواحد يبقى الموت المحقق أو حته بكتيرياية

صغنونة لما تيجي يبقى المضاد الحيوي هو الحل

الاعمار بيد الله واحنا بنعمل اللي علينا

وزي ما قال الحاج مصطفي كامل لا يأس مع الحياة ولا حياة مع اليأس

وفي أبحاث بتأكد دور الروح المعنوية في شفاء المريض

يعني لازم تزرع الامل حتى مع قرايبه

لوكان ينفع ترجع طفل تاني وتخليك طفل علطول هترجع؟ وليه؟

ياريت ياخويا وهتبقى فرصة الواحد يعمل اللي عايزه واسمه عيل و لا غليه حاجة

ولاهيتحاسب يوم القيامة

و انا أتمنى من موقعي هذا انا ترجع لي برأة الأطفال .....عشان الواحد بقى وحش

خالص

لوسمح لك برؤية الرسول عليه الصلاة والسلام وإنك تقوله كلمة واحدة بس أو جملة

واحدة بس هتكون إيه؟

هابوس رجله الشريفة ( صلى الله عليه و سلم ) و اطلب منه ووشي شوية في الارض

عشان مكسوف منه وشوية أتملى في وجه الكريم أنه يدعو لي بقوة الارادة في الحق

و بعديها سيبوني و شوفو ا الدنيا و هي بتتكسر

لو خطبت واحدة أو اتخطبتي لواحد وأثناء الخطبة اكتشفت أو اكتشفتي إن الطرف الآخر

غير قادر على الإنجاب هيكون تصرفك إيه؟

هأكمل و هتبقى بنتي و زوجتي

وممكن اطلب منها أني أتجوز تاني عشان يبقى خراب بيوت بقى

( ده موقف أولي قابل للتغيير

لو طلعت القمر هتكتب إيه عليه؟

أقتربت الساعة وانشق القمر

بخط ثلث كبير قوي قوي حتى يراها كل الارض

مهو كله............... لو

لو كنا في عصر ازدهار الأندلس كنت تتخيل نفسك إزاي؟

على طريق عمنا البيروني طبعا

وطبعا متنساشي الجواري

عشان الواحد يعف نفسه مش حاجة تانية

و الحشم و الخدم والاكل اللي بالزبدة الأندلسي

لوأنا مررت التاج ده لحد وما جاوبش عليه أعمل فيه إيه؟

أعذره و اديله مهضم عشان أكيد هيكون و قف في زوره

مش بقلكم تقيل

لو أحب أمرره أمرره لمين ؟لأي حد عايزه وبالذات

ضاكتورنا اللي من المأروصة

يوميات عيل مصري

سمك لبن تمر هندي

أبو سويلم

ممالك السراب

لو سرت في أحد الشوارع و سالت أحد الاطفال عن أحب الشخصيات اليه فلن تفاجأ أن يخبرك انه المحقق كونان الذي لا تغفل عيناه أو سوبر مان ذلك القوي الذي لاتقف امامه أية قوى أو نارتو أو تيمون و بومبه أ و توم وجيري أو احد سلاحف النينجا أو غيرها من شخصيات الرسوم المتحركة التي امتلأت بها قنوات التليفيزيون

لم يأت هذا الاعجاب من فراغ و انما هو نتيجة طبيعية لما تزخر به من خيال عارم يشد الاطفال و احيانا كثيرة الكبار و اتارة بالغة تمرح معها الابدان في اماكنها و سعادة تنتشي منها العقول قبل القلوب لفوز البطل الهمام
كل هذه العوامل تتفاعل مع عقل الطفل لتنتج منه و عاءاً مستقبلاً فقط ليست لديه القدرة علي الاستنتاج أو التحليل البسيط
بل زد على ذلك أنها تفرغ نوعاً من الكائنات يفكر بعقلية الخيال البحت فاذا قابلته مشكلة في الواقع ..... فلن يحلها طبعا .... لأن عقله لم يتعود ان يحلق في اطار الواقع و انما اعتاد على الجموح في افاق الخيال اللا محدود
خيال فيه يستطيع رجل واحد بضربات سريعة و بسيطة أو بتمتمات يبثها في سرعة وحذاقة أن يشل من أمامه أو يختفي من امامهم أو يطير في السماء في السماء بلا أجنحة او محركات بل قد يشعل من حوله بنفخات من فمه الماتهب .
و قد يتفق عقله العبقري مع جسمه اللولبي في أن ينقذوا العالم من الشر الذي لا نعرف سببه غير كونه شر بفكرة اسسها خيالية تمـــــــــــــــــــاماً

أصبح أطفالنا ينامون و يستيقظون , يلعبون و يجدون , في عالم من السراب لا حقيقة فيه الا ان الخيال هو ملكه المتوج للأبد

و ياليت جيوش السراب توقفت عند هذا الحد انما امتدت و توغلت
دعونا نرجع بالزمن الى يوم الجمعة الماضي ونسأل جماهير الأهلي عن احاسيسهم بعد المبارة العصيبة ......... سيتفق الجميع في اتفاق مذهل انهم شعروا بحزن و غصة ومرارة ( و لن أستثني نفسي) لهذا الظلم الفادح وتلك الخسارة النكراء.
ولنسأل جماهير الاسماعيلي أو الزمالك عن شعورهم ..... سيجيبك المعظم عن سعادة بالغة لهزيمة ألد الأعداء و انكسار أقوى الخصوم
ولنحلل هذا الموقف بكل موضوعية ..... فالكل يتفق على أن الحزن والغم شعوران لا يتواجدا إلا في مواطن الضيق و الكرب ولكن حينما تُستدعى هذه المشاعر في مباراة لن تقدم و لن تؤخر بينما تغيب عن اماكنها الصحيحة ( أحداث العراق و فلسطين و باكستان و الصومال و النيجر) انما تنبع هذه المشاعر من أجل أوهام و اغراض واحاسيس و حسابات لا قيمة لها فان هذا سراب لعين
ومما يزيده تأكيداً انه سرابُ لعينُ اندفاع الشباب نحو احتراف الكرة و اتخاذها و ظيفة يتكسب بها و تكون ماضيه و حاضره و مستقبله وأيضا مما قد يميتك بالنقطة السرطانية ان منهم من يدفع حياته حزنا على هدف لم يحرز أو مباراة خسرها فريقه

ولو وقف السراب هنا و صمت لتضرعنا شكراً وامضينا في الحمد دهرا..... الا انه امتد الى اهداف الناس في حياتهم و رؤيتهم لفرصتهم الوحيدة للنجاة

فسؤال واحد يستطيع بسهولة أن يوضح هذه الكارثة
و لكن لا تتعجلوا بالاجابه

هل تعيش لتأكل أم تأكل لتعيش

لا تستعجــــــــــــــــــــــــــــــــــل !!!!

أصبحت أزمة الناس اليوم هذا السؤال ...... فلو كان يعيش ليأكل فانتظر منه كل خنوع و بلادة و سلبية و ذل حينما يهدد مصدر رزقه و ان كان يأكل ليعيش فا نه بالتأكيد يعيش من أجل غرض أ و هدف يريد أن يحقق و لن تصبح حياته جريا وراء سراب كبير اسمه الشبع المطلق

ممالك السرا ب تحيطنا من كل حدب و صو ب و هذا عرض بسيط لها و لكن أهم شئ أن نوجد الحلول وهذه أريد أن نناقشها معا في تعليقاتكم